ទូល​​ថ្មទម្ងន់៤០គីឡូក្រាម ពិភព​​​​លោក​​កំពុង​​​​​​មាន​​​​​ចម្ងល់!

ថ្ងៃចន្ទ ទី២៧ ខែមិថុនា ឆ្នាំ២០១៦ ម៉ោង ១០:០៧   (27-06-2016 10:07)

បុរស​​វ័យ​​៥៤​ឆ្នាំ​ម្នាក់ ​មក​ពី​ស្រុក​ជី​លី​ន ​ប្រទេស​ចិន បាន​កំពុង​តែ​ធ្វើ​ឱ្យ​​ពិភពលោក​​មាន​ច​ម្ង​ល់ ​លើ​ការ​ហាត់ប្រាណ​ដ៏​ចម្លែក​របស់​លោក​ ។

លោក Cong Yan បាន​ប្រាប់​ឱ្យ​​ដឹង​ថា ការ​ហាត់ប្រាណ​​ដោយ​ដើរ​ទប់​លំនឹង​ថ្ម​ទម្ងន់​៤០​គីឡូក្រាម​​នៅ​លើ​ក្បាល​​នេះ បាន​ធ្វើ​ឲ្យ​រូប​លោក​ ស្រក​អស់​៣០​គីឡូក្រាម​ ក្នុង​ពេល​៣​ឆ្នាំ​កន្លង​មក ​។

ការ​ចាប់ផ្តើម​នូវ​ទ​​ង្វើ​ដ៏​ចម្លែក​នេះ ​ត្រូវ​បាន​ធ្វើ​ឡើង​​ចាប់តាំងពី​ពេល​ ដែល​គាត់​គិត​ថា ​រូបរាង​កាយ​​របស់​គាត់​ មាន​សភាព​ធាត់​ជ្រុល​។ កាលពី​៣​ឆ្នាំ​មុន គាត់​មាន​ទម្ងន់​ដល់​ទៅ​១១៥​គីឡូក្រាម និង​កម្ពស់​ត្រឹមតែ​១​ម៉ែត្រ​ ៦​តឹក​ប៉ុណ្ណោះ​ ។ វា​ពិតជា​អាក្រក់​មើល​​ណាស់​កាល​ពី​៣​ឆ្នាំ​មុន ​។