សង្គ្រាម​​ សួង សារ៉ា​នីត និង​ស្ត្រីងារ​ជំទាវ​ឡើង​កម្ដៅ​ដល់​តុលា​ការ​

 សង្គ្រាម​សម្ដី​ផ្ដើម​ចេញ​ពីលុយ ៥០០ ដុល្លារ ឆ្លើយឆ្លង​ចុត​ហ្មាយ​ដៀម​ដាម​តាម​បណ្ដាញ​សង្គមរវាង​តារា​សម្តែង​ល្បី​មធ្យម​នាង កញ្ញា សួង សារ៉ានីត និង​អតីត​អ្នក​ចម្រៀង​ឡើង​ងារជា​ជំទាវ​ឈ្មោះ ​សន សូម៉ាឡែន បាន​វិវឌ្ឍ​ពីចំហាយ​ផ្សែ​ងធម្មតា​បង្កាត់​ជាអណ្តាត​ភ្លើង ខណៈ​ភាគី​សងខាង​ថា រឿងអាច​ឈាន​ដល់​​ប្រព័ន្ធ​តុលា​ការ។

តារា​សម្តែង​ល្បី​ឈ្មោះ​មធ្យម​នាង សួង សារ៉ានីត ដែល​អះអាង​ថា​ ស្ត្រីឈ្មោះ​ សន សូម៉ាឡែន ជំពាក់​លុយ​នាងចំនួន ៥០០ ដុល្លារ​ និងគេច​វេះ​មិនសង បាន​ធ្វើឲ្យ​ស្រ្តី​រូបនោះ​ខឹង​ច្រឡោត​ភ្លាមៗថា ខ្លួនមិន​ដែល​ស្គាល់​តារា​សម្ដែង​ស្រី​ សួង សារ៉ានីត ទេ។