Pacific Angel គឺជាបេសកកម្មផ្តល់ជំនួយមនុស្សធម៌រួមគ្នា ដែលត្រូវបានធ្វើឡើងនៅតាមប្រទេសនានានៅទូទាំងតំបន់អាស៊ីប៉ាស៊ីហ្វិក ដោយមានការចូលរួម និងការដឹកនាំយ៉ាងសកម្មពីកម្លាំងកងទ័ពអាកាសរបស់សហរដ្ឋអាមេរិក។
ចាប់ផ្ដើមតាំងពីឆ្នាំ២០០៨មក បេសកកម្ម Pacific Angel បានផ្លាស់ប្តូរបទពិសោធន៍ និងគាំទ្រកម្មវិធីវិស្វកម្ម ព្យាបាលជំងឺកុមារ ជំងឺភ្នែក ជំងឺមាត់ ធ្មេញ និងកម្មវិធីព្យាបាលជំងឺទូទៅ ព្រមទាំងការផ្លាស់ប្តូរមេរៀនឯកទេសទាក់ទងនឹងការផ្តល់ជំនួយមនុស្សធម៌ និងជំនួយសង្គ្រោះចំពោះគ្រោះមហន្តរាយដល់ក្រុមយោធាកម្ពុជាផងដែរ។
អ្នកស្រី អ៊ួង យ៉ាន់ អាយុ៦៤ឆ្នាំ មកពីភូមិដាច់ស្រយាលមួយនៃស្រុកកំពង់ត្រាចក្នុងខេត្តកំពត។ បន្ទាប់ពីអង្គុយចាប់លេខរង់ចាំតាំងពីព្រលឹមរហូតដល់ពេលរសៀល ដើម្បីឲ្យពេទ្យកងទ័ពអាកាសសហរដ្ឋអាមេរិកព្យាបាលធ្មេញដែលពុកឈឺអស់ជាច្រើនខែកន្លងមកនោះ អ្នកស្រីប្រាប់ VOA ថា អ្នកស្រីមិនមានលទ្ធភាពទៅព្យាបាលនៅពេទ្យក្នុងស្រុកដែលមានតម្លៃថ្លៃនោះទេ។
«ខ្ញុំឈឺធ្មេញបានគេដកឲ្យ អរគុណណាស់! ទៅពេទ្យធ្មេញនៅក្នុងស្រុកអត់មានលុយ។ អត់មានបានជាមកហ្នឹង។ មនុស្សច្រើនណាស់ ដកធ្មេញ ឈឺភ្នែក មកទាំងអស់»។
0 comments: