អង្គការសិទ្ធិមនុស្សចំនួន២ នៅខេត្តសៀមរាប គឺសមាគមការពារសិទ្ធិមនុស្សអាដហុក (ADHOC) និងអង្គការសិទ្ធិមនុស្សលីកាដូ (LICADHO) នឹងចុះស៊ើបអង្កេតលំអិតនៅភូមិសាលាក្រវ៉ាន់ ឃុំរំចេក នៃស្រុកបន្ទាយស្រី ក្នុងបំណងស្វែងរកការពិតឱ្យច្បាស់លាស់ថា តើមេប៉ុស្តិ៍នគរបាលទីនោះពិតជាបានរំលោភសិទ្ធិកុមារចំនួន ២នាក់មែន ឬក៏យ៉ាងណា?
គម្រោងស៊ើបអង្កេតនោះ បានរៀបចំឡើងបន្ទាប់ពីក្រុមគ្រួសាររបស់កុមារទាំងពីរបានមកដាក់ពាក្យប្ដឹង ហើយចោទប្រកាន់ថា មេប៉ុស្តិ៍នគរបាលឃុំរំចេក បានចាប់កូនគាត់ដែលមានអាយុ ១២ឆ្នាំ និងម្នាក់ទៀត អាយុ ១១ឆ្នាំ ដាក់ខ្នោះដៃ រួចហើយបញ្ជូនទៅប៉ុស្តិ៍ដោយមិនជូនដំណឹងឱ្យអាណាព្យាបាលបានដឹងទាល់តែសោះ។
0 comments: